قەهڤەێِ کورد


هەنــاس ڤێشــە زارەیلـی،تو نەو تـۊلِ تەمـــەن ســاوا۱

تو مزگان خـوەر هەڵاتەیلــی۲،ڤە شەوگارەیـل رووژئاوا۳


رەش قەترانــە گیسەیلت،چەوەیلت ســـەوز زەیتـونــــی

خەنینت "قەهڤـەێ کوردە"٤،تێەڵ شیرین وگوم شوونی


چەنــێ ڤیرەیــل وابــردێ،ڤـە گیســــــەیلت چنـریانـــە

چەنــێ عشقـەیل پا خستـێ،ڤـە پا بـەژنت هەڵسیــــانـە


چەنە "قەندیل"٥ سەربەرزی، چەنـە "حەسکێف"٦پڕ رازی

ڤە سـەر باکـوور،شاهینــــی، ڤە سەر باشـوور شـابازی


شەقامەیـل "سنـەی" پڕ ڤـە، هەنــاس و هەست ئـازادی

تو هات و چوو "مەریـوانی"،تو دڵ قورسی "مەهابـادی"


پــڕە زام زووانەیلــی،تـو "کرماشــــان" تو "ئیلامـــی"

تو "هگمادان"۷، "لوڕستـــانی" ، گ دیل دام دەێدامـی


قسە داو و دەلیـری تو ، مەتـەڵ عشـق و کزەێ قەڕنـــە

ڤــە ئـی دەوران پـڕ شینـە، خەنینت موعجــزەێ قەڕنـــە


ئە ڕا نەسڵەیل ناهاتـێ، هــزاران پــــەڕە چیــرووکـی۸

تو ئاوڕۊ بەزم "بەرخوەێ دان"۹، تو شانـازی دیرووکی۱۰


گوڵاڵە سوورەکــەم بیـلا،غــەم تو ، ئـاو و نانم بـــوو

کـڕ سوورم ، کڕ لێڤت ، چەوەیلــت نیشتمــــانم بــوو


کنگەڤەر / ۱۳۹۷/۳/۲٦

ــــــــــــــــــــــــــــــــــــــــــــــــــــــــــــــــــــ

۱-تەمەن ساوا : نونهال، کم سن.

۲-رووژهەڵات : محل بالا آمدن خورشید.شرق.

۳-رووژئاوا : محل کامل شدن روز(آبادشدن روز)، غرب.

٤-قەهڤەێ کورد : قهوه ای که سالهاست بنام قهوه ترک شهور است،در واقع "قهوه کورد" است وتوسط کشاورزان کورد ترکیه تولید میشود.این قهوه قبلا به فرانسه فرستاده میشد و باعنوان "قهوه کورد"بسته بندی وبه دیگرکشورها صادرمیگردید.تا اینکه این برند نیزمشمول اصلاحات کوردستیزانه "آتاترک" واقع شد ونام جعلی " قهوه ترک" به خود گرفت.

٥-قەندیل : کوهی مرتفع در کوردستانات.

٦-حەسکێف : کوهی در باکور کوردستان که آثاربسیارشگفت انگیزی از دورانهای بسیاردور در آن وجوددارد.

۷-هگمادان : نام باستانی همدان.

۸-چیرووک :داستان.

۹-بەرخوەێ دان : مقاومت.

۱۰-دیرووک : تاریخ.